აჭარის უმაღლეს საბჭოში პროპორციულ საარჩევნო სისტემაზე გადასვლასთან დაკავშირებით, კონსტიტუციური კანონის ცვლილება განიხილება

აჭარის უმაღლეს საბჭოში პროპორციულ საარჩევნო სისტემაზე გადასვლასთან დაკავშირებით, კონსტიტუციური კანონის ცვლილება განიხილება. ამის შესახებ „ინტერპრესნიუსს“ აჭარის უმაღლესი საბჭოდან აცნობეს.

„აჭარის ავტონომიური რესპუბლიკის უმაღლესი საბჭოს ბიუროს მე-13 სხდომაზე, დღის წესრიგის პირველი საკითხი - აჭარის ავტონომიური რესპუბლიკის კონსტიტუციური კანონის პროექტი - „აჭარის ავტონომიური რესპუბლიკის კონსტიტუციაში ცვლილების შეტანის შესახებ“ (I მოსმენა), საკონსტიუტციო, იურიდიულ და საპროცედურო საკითხთა კომიტეტის თავმჯდომარემ ნინო ჩხეტიამ წარმოადგინა.

კონსტიტუციური კანონის პროექტი, რომელიც პროპორციულ საარჩევნო სისტემაზე გადასვლას ითვალისწინებს, უმაღლესი საბჭოს რიგგარეშე სესიის პლენარულ სხდომაზე პირველი მოსმენით განიხილება. გადაწყვეტილებას ბიურო წევრებმა ერთხმად დაუჭირეს მხარი. სხდომაზე ასევე იმსჯელეს „მაჭახლის დაცული ლანდშაფტის შექმნისა და მართვის შესახებ“ საქართველოს კანონის პროექტთან დაკავშირებითაც, რომლის გადამუშავებული ვარიანტი, საქართველოს რიგ დარგობრივ კანონებში შეტანილი ცვლილების გამო, აგრარულ და გარემოს დაცვის საკითხთა კომიტეტში განიხილება. ბიურომ აღნიშნული ინფორმაცია ცნობად მიიღო”, - ნათქვამია ინფორმაციაში.

ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
თორნიკე ჯანაშვილი - “რეფორმერი" პოლიტიკაში მოდის
ქართული პრესის მიმოხილვა 14.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ტერაბანკის ინოვაციური ბოტის საკომუნიკაციო კამპანიამ საერთაშორისო აღიარება მოიპოვა