ირაკლი კოვზანაძე - შრომის კოდექსში შესატანი ცვლილებების კანონპროექტთან დაკავშირებით სერიოზული შენიშვნები გვაქვს

კანონპროექტთან დაკავშირებით სერიოზული, ფუნდამენტური შენიშვნები გვაქვს, რასაც დასკვნაში ჩავწერთ , - ამის შესახებ საფინანსო-საბიუჯეტო კომიტეტის თავმჯდომარემ, ირაკლი კოვზანაძემ კომიტეტის სხდომაზე შრომის კოდექსში შესატანი ცვლილებების კანონპროექტის შესახებ განაცხადა, რომელიც კომიტეტს დეპუტატმა, დიმიტრი ცქიტიშვილმა წარუდგინა.

„ამ კანონპროექტის შესახებ შენიშვნები ფორმულირებული გვაქვს 6 გვერდზე, ეს ეხება ზეგანაკვეთური სამუშაოს ანაზღაურებას, მინიმალურ ხელფასს, შრომის ინსპექციას და ასე შემდეგ, ამას ყველაფერს დასკვნას დავურთავთ თან“, - აღნიშნა ირაკლი კოვზანაძემ.

ცნობისთვის, შრომის კოდექსში შესატანი ცვლილებების პროექტის თანახმად, რომლის ინიციატორები არიან: საქართველოს პარლამენტის წევრები დიმიტრი ცქიტიშვილი, სოფიო კილაძე, დავით მათიკაშვილი, თამარ ჩუგოშვილი, ირაკლი კობახიძე, რატი იონათამიშვილი და თამარ ხულორდავა, არანაზღაურებადი სტაჟირების ვადა არ უნდა აღემატებოდეს 6 თვეს, ასევე, ზეგანაკვეთური სამუშაოს ანაზღაურების სტანდარტის სახით ხელფასის ნორმირებული საათობრივი განაკვეთის 125 პროცენტი დგინდება, იზრდება შრომის ინსპექციის მანდატი და ა.შ.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 06.12.2021
პაატა დავითაია - საკონსტიტუციო ცვლილებებთან დაკავშირებით „ქართული ოცნების“ და „ნაციონალური მოძრაობის“ ინტერესები ემთხვევა - ბარიერის დაწევა აუცილებელია ქართული დემოკრატიის განვითარებისთვის
“მარტივი გზა შენს ახალ სახლამდე” – Myhome-ის განახლებული დეველოპერული კომპანიების მოდული
„ნიუ ჰოსპიტალსი“ პაციენტებზე ზრუნვის 10 წლისთავს აღნიშნავს