რელიგიის საკითხთა სახელმწიფო სააგენტოსა და სახარების ქრისტიან ბაპტისტთა ეკლესიების კავშირის წარმომადგენლებმა სოფელ სალხინოს ამბროსი ხელაიას სახელობის სკოლა-პანსიონის მოსწავლეებს ჰუმანიტარული დახმარება გადასცეს

რელიგიის საკითხთა სახელმწიფო სააგენტოსა და სახარების ქრისტიან ბაპტისტთა ეკლესიების კავშირის წარმომადგენლები მარტვილის რაიონის სოფელ სალხინოს ამბროსი ხელაიას სახელობის სკოლა-პანსიონს ესტუმრნენ და სასწავლებლის მოსწავლეებს ჰუმანიტარული დახმარება, 50 ფუთა ტანსაცმელი და სასწავლო ნივთების 80 ყუთი გადასცეს. ამის შესახებ „ინტერპრესნიუსს“რელიგიის საკითხთა სახელმწიფო სააგენტოდან აცნობეს.

მათივე ცნობით, პანსიონი ჭყონდიდის ეპარქიის მიტროპოლიტ გრიგოლის (კაცია) პატრონაჟით ფუნქციონირებს, სადაც დღეს 170 ბავშვი სწავლობს. მისი მოსწავლეების უმრავლესობა სოციალურად დაუცველია.

„რელიგიის საკითხთა სახელმწიფო სააგენტო უკვე მესამედ ახორციელებს აღნიშნულ ქველმოქმედებას ხელაიას სახელობის სკოლა-პანსიონში. ჭყონდიდის ეპარქიის მიტროპოლიტმა მადლობა გადაუხადა რელიგიის სააგენტოს მრავალი აქტივობის განხორციელებისთვის და გვერდში დგომისთვის. სკოლა-პანსიონს ესტუმრნენ, რელიგიის საკითხთა სახელმწიფო სააგენტოს თავმჯდომარის მოადგილე, გიორგი უკლება და რელიგიის სააგენტოს თანამშრომლები ავთო კვერნაძე და დავით დავითაშვილი და ასევე სახარების ქრისტიან ბაპტისტთა ეკლესიების კავშირის წარმომადგენელი ტარიელ პაპინაშვილი“, - ნათქვამია ინფორმაციაში.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ