„დამოუკიდებელი დეპუტატები“ -  აშშ, გერმანიის, ევროკავშირისა და ევროსაბჭოს თანადგომა იყო გადამწყვეტი

საპარლამენტო ფრაქცია „დამოუკიდებელი დეპუტატები“ და ახლად შექმნილი პარტია „ჩვენი საქართველო - სოლიდარობის ალიანსი“ მადლობას უხდიან საქართველოში მოქმედ დიპლომატიურ კორპუსსა და საქართველოს მეგობრებს ევროპარლამენტსა და შეერთებულ შტატებში, საქართველოში საკონსტიტუციო ცვლილებების გატარებისა და ახალგაზრდა დემოკრატიის განმტკიცების გზაზე უმნიშვნელოვანესი ხელშეწყობისათვის. ამის შესახებ „ინტერპრესნიუსს“ ფრაქცია „დამოუკიდებელი დეპუტატებიდან“ აცნობეს.

მათივე ცნობით, განსაკუთრებული აღნიშვნის ღირსია საქართველოში ამერიკის შეერთებული შტატების ელჩის კელი დეგნანის, აშშ საელჩოს მისიის ხელმძღვანელის მოადგილის, ქალბატონი ელიზაბეტ რუდის, გერმანიის ფედერაციული რესპუბლიკის ელჩის ჰუბერტ კნირშის, ევროკავშირის დელეგაციის ხელმძღვანელის კარლ ჰარცელისა და ევროსაბჭოს წარმომადგენლობის ხელმძღვანელის კრისტიან ურსეს როლი.

„აშშ, გერმანიის, ევროკავშირისა და ევროსაბჭოს თანადგომა გადამწყვეტი აღმოჩნდა რამდენიმე თვის მანძილზე ჩიხში შესული კომპლექსური მოლაპარაკებების წარმატებით დასასრულებლად 2020 წლის 8 მარტის შეთანხმებით. სამწუხაროა, რომ მმართველმა ძალამ და ოპოზიციურმა პარტიებმა ვერ შეძლეს დამოუკიდებლად ქვეყნისათვის უმნიშვნელოვანესი ცვლილებების ირგვლივ გაერთიანება დიპლომატიური კორპუსის აქტიური მონაწილეობის გარეშე. თუმცა, იმედს გამოვთქვამთ, რომ მომავალში, შევძლებთ შევამციროთ პოლიტიკური პოლარიზაცია, დავნერგოთ ახალი პოლიტიკური კულტურა და მოვახდინოთ პოლიტიკური კონსოლიდაცია ქვეყნისათვის ისეთ მნიშვნელოვან საკითხებზე, როგორიცაა საქართველოს ტერიტორიული მთლიანობის აღდგენა, ევრო-ატლანტიკურ სტრუქტურებში გაწევრიანება, სიღარიბისა და უმუშევრობის შემცირება და სხვ. 2020 საპარლამენტო არჩევნები იქნება საქართველოში დემოკრატიის ტესტი, რომლის პირველი ეტაპი პარლამენტმა დიპლომატიური კორპუსის თანადგომით წარმატებით ჩააბარა 29 ივნისს. მართალია, უკვე მიღებული ცვლილებები, მთლიანად ვერ ანაცვლებს 2019 წელს „ქართული ოცნების“ მიერ შეპირებულ პროპორციულ არჩევნებზე გადასვლის გეგმას, მაგრამ ცალსახად პოზიტიური ნაბიჯია საქართველოს დემოკრატიული განვითარების გზაზე. დასანანია, რომ კონსტიტუციური ცვლილებები ვერ იქნა დამტკიცებული უფრო ფართო პოლიტიკური კონსენსუსით, რამდენადაც „ნაციონალურმა მოძრაობამ“ და „ევროპულმა საქართველომ“ საკუთარი თანაგუნდელის მხარდაჭერის გამო არ მიიღეს პროცესში მონაწილეობა. თუმცა, მისასალმებელია, რომ საქართველოს პარლამენტის ოპოზიციური სპექტრის 24 დეპუტატის, მათ შორის ჩვენი ფრაქციის 7-ვე წევრის, საჯაროდ გაცხადებულმა თანხმობამ, შექმნა გარანტი საკონსტიტუციო ცვლილებების ბოლომდე მისაყვანად“, - ნათქვამია ინფორმაციაში.

მათივე ცნობით, საპარლამენტო ფრაქცია „დამოუკიდებელი დეპუტატები“ და ახლად შექმნილი პარტია „ჩვენი საქართველო - სოლიდარობის ალიანსი“ კვლავაც ადასტურებენ თანამშრომლობისათვის მზაობას საქართველოში მოქმედი დიპლომატიური კორპუსის ფართო წარმომადგენლობასთან, როგორც წინასაარჩევნო გარემოს გაჯანსაღების, ასევე 2020 არჩევნებისა და არჩევნების შემდგომ პერიოდში დემოკრატიული ინსტიტუტების გაძლიერების გზაზე. მარიამ ჯაში, ლევან გოგიჩაიშვილი, ზვიად კვაჭანტირაძე, ლევან კობერიძე, კობა ნარჩემაშვილი, ბექა ნაცვლიშვილი, გედევან ფოფხაძე.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ