იმერეთში ინფრასტრუქტურულ პროექტებზე მუშაობა აქტიურად მიმდინარეობს

რეგიონული განვითარებისა და ინფრასტრუქტურის სამინისტრო იმერეთში განსახორციელებელი პროექტების ფონდიდან დაფინანსებულ ინფრასტრუქტურულ პროექტებზე მუშაობას აგრძელებს.

უწყების ინფორმაციით, 2020 წელს იმერეთის რეგიონში ინფრასტრუქტურული პროექტების მთლიანმა ბიუჯეტმა 119 019 800 ლარი შეადგინა. რეგიონებში განსახორციელებელი პროექტების ფონდის მიერ გამოყოფილი თანხა 71 271 047 ლარია.

მათივე განმარტებით, მიმდინარე სამუშაოებს ადგილზე გაეცნენ რეგიონული განვითარებისა და ინფრასტრუქტურის მინისტრის მოადგილე ილია ბეგიაშვილი და იმერეთის გუბერნატორი ზვიად შალამბერიძე.

რეგფონდით დაფინანსებულ პროექტებს შორისაა: სოფელ წყალტუბოში უბნების გზების სარეაბილიტაციო სამუშაოები, ფარცხანაყანებში გზის რეაბილიტაცია ბეტონის საფარით, ვანში სპორტული სკოლის და სპორტული კომპლექსის სრული რეაბილიტაცია, სოფელ დიმის საბავშვო ბაგა-ბაღის შენობის მშენებლობა, შუამთა-ტობანიერის დამაკავშირებელი საავტომობილო გზის რეაბილიტაცია და სხვა.

,,2020 წლის რეგიონული განვითარების ფონდის ბიუჯეტით იმერეთში გამოყოფილია 71 მილიონ ლარზე მეტი, რითაც ფინანსდება დაახლოებით 240 პროექტი, სხვადასხვა მუნიციპალიტეტში სხვადასხვა ტიპის პროექტებზეა აქცენტირება გაკეთებული, ზოგ შემთხვევაში ეს არის გზები, ბაღები, წყალმომარაგების პროექტები. აღსანიშნავია, რომ მიუხედავად ორთვიანი პაუზისა რაც კოვიდის პანდემიამ გამოიწვია ტემპი საკმაოდ მაღალია, ზოგიერთი პროექტი ფაქტობრივად დამთავრებულია, ზოგიერთი დასრულების ფაზაშია"-აღნიშნა ილია ბეგიაშვილმა.

,,იმერეთის თორმეტივე მუნიციპალიტეტეში აქტიურად მიმდინარეობს ინფრასტრუქტურული სამუშაოები, პერიოდულად ვახორციელებთ მონიტორინგს, რომ ჩვენმა მოქალაქეებმა მიიღონ შესრულებული სამუშაო იმ სტანდარტით, რაც დადგენილია- განაცხადა იმერეთის გუბერნატორმა ზვიად შალამბერიძემ.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ