ირაკლი ღარიბაშვილი - მინდა მადლობა გადავუხადო ვლადიმერ ჩაჩიბაიას და მივესალმო შეიარაღებული ძალების ახალ მეთაურ გიორგი მათიაშვილს

თავდაცვის მინისტრი ირაკლი ღარიბაშვილი თავდაცვის ძალების მეთაურის უფლებამოსილების გადაბარების ცერემონიალს დაესწრო.

მან ვლადიმერ ჩაჩიბაიას მადლობა გადაუხადა გაწეული შრომისთვის და ახალ მეთაურს გიორგი მათიაშვილს მიესალმა.

"დღეს ჩვენ ვაგრძელებთ იმ ტრადიციას, რომელიც თავდაცვის ძალებში ინსტიტუციონალურ განვითარებას უზრუნველყოფს. თავდაცვის ძალების დროშის გადაცემა სიმბოლურად გამოხატავს ჯარში თაობათა შორის არსებულ უწყვეტ კავშირს და ურთიერთპატივისცემას. ამ ტრადიციით ჩვენ მომავალ განვითარებას მიღწეულ წარმატებებზე ვაფუძნებთ. დღეს ჩვენ სამხედრო სამსახურიდან ვაცილებთ თავდაცვის ძალების მეთაურს გენერალ -ლეიტანტ ვლადიმერ ჩაჩიბაიას, რომლის ადგილს მისი მოადგილე გენერალ- მაიორი გიორგი მათიაშვილი დაიკავებს. მე მინდა მადლობა გადავუხადო გენერალ- ლეიტანტ ვლადიმერ ჩაჩიბაიას და პატივისცემით მინდა მივესალმო ახალ მეთაურს გენერალ- მაიორ გიორგი მათიაშვილს. ჩვენ ერთობლივი თანამშრომლობით ერთობრივი ძალისხმევით გავაგრძელებთ იმ დიდ საქმეს და მოდერნიზაციის პროცესს, რომელიც დავიწყეთ თავდაცვის უწყებაში. ჩვენ ერთად გავაძლიერებთ ჩვენი ქვეყნის თავდაცვისუნარიანობას და გავაძლიერებთ ჩვენს საამაყო ჯარს", - განაცხადა ღარიბაშვილმა.

ზვიად კირტავა - ფრთხილი ოპტიმიზმი შეიძლება მქონდეს, რომ შევძლებთ მოსახლეობის საყოველთაო ვაქცინაციას, მაგრამ ჯერჯერობით ფრთხილი, - გეგმა არ გვინახავს
ქართული პრესის მიმოხილვა 22.01.2021
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
ბათუმში ბალნეოლოგიურ-გამაჯანსაღებელი ცენტრი აშენდება
2020 წელს ინტელიექსპრესის მიერ საქართველოში შემოტანილი ფულადი გზავნილების მოცულობამ 265 მილიონ დოლარს გადააჭარბა
ეფექტური გზა რესპირაციული ინფექციების პრევენციისთვის