ჩინეთი სხვა ქვეყნებს მოუწოდებს, ჰონგ-კონგის საქმეში ჩარევა შეწყვიტონ და აქვე, აშშ-ის, დიდი ბრიტანეთისა და სხვა ქვეყნების კრიტიკას პასუხობს. როგორც ტრადიციულ ბრიფინგზე ჩინეთის საგარეო საქმეთა სამინისტროს პრესსპიკერმა ჩჟაო ლიცზიანიმ განაცხადა, უცხო ქვეყნებმა ჰონგ-კონგში სიტუაციას ობიექტურად უნდა შეხედონ.

მისივე თქმით, პეკინი ქვეყნის შიდა საქმეებში უცხოურ ჩარევას არ დაუშვებს.

„ჰონგ-კონგის საკითხი არის ჩინეთის შიდა საქმე. უცხოური ძალები არ უნდა ჩაერიონ. უსაფრთხოების კანონმდებლობა ეკუთვნის ჩვენს ეროვნულ იურისდიქციას“, - განაცხადა პრესსპიკერმა.

ჰონგ-კონგისთვის გათვალისწინებული უსაფრთხოების ახალი კანონის მიღების გამო ჩინეთს დასავლური ქვეყნები აკრიტიკებენ და მოუწოდებენ ჰონგ-კონგის ავტონომიური სტატუსი არ შეზღუდოს.