პაატა იმნაძე - მეორე ტალღაზე საუბარი ჯერ ადრეა - თუ ჩვენ კორონავირუსთან ვისწავლით თანაცხოვრებას, ვირუსი იქნება, მაგრამ ძალიან არ შეგვაწუხებს

მეორე ტალღაზე საუბარი ჯერ ადრეა, - ამის შესახებ დაავადებათა კონტროლის ეროვნული ცენტრის გენერალური დირექტორის მოადგილე პაატა იმნაძემ „პალიტრანიუსის“ გადაცემაში „დღის თემა“ განაცხადა.

მისი თქმით, თუ ჩვენ კორონავირუსთან ვისწავლით თანაცხოვრებას, მაშინ ის არ შეგვაწუხებს.

„მეორე ტალღაზე საუბარი ჯერ ადრეა, რადგან პრაქტიკულად, სიტუაცია, რაც არის გვიჩვენებს, რომ შემთხვევები არ არის საგანგაშო. თუმცა, ვირუსი ცირკულირებს, აქედან გამომდინარე, სიფრთხილე გვმართებს. შესაბამისად, თუ ჩვენ კორონავირუსთან ვისწავლით თანაცხოვრებას, დავიცავთ ელემენტარულ წესებს-ნიღაბი, დისტანცია, ჰიგიენა, ხალხმრავალი ადგილებისგან თავის არიდება, კორონავირუსი იქნება, მაგრამ ძალიან არ შეგვაწუხებს. თუ არ დავიცავთ, მოგვივა ის, რაც მოუვიდა ჩვენს მეზობელ ქვეყნებს“, - განახადა იმნაძემ.

ცნობისთვის, საქართველოში, ბოლო მონაცემებით, კორონავირუსის დადასტურებული შემთხვევათა რიცხვი 939-ს შეადგენს. მათ შორის გამოჯანმრთელებულია 817 ადამიანი. გარდაიცვალა 15 პაციენტი.

იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
ქართული პრესის მიმოხილვა 07.08.2020
გიორგი პერტაია - სავაჭრო პალატა მეწარმეებს ბიზნესის მხარდამჭერ ყველა პროგრამას ერთ ონლაინ პლატფორმაზე სთავაზობს
ახალი Galaxy Note 20 და Note 20 Ultra წინასწარი შეკვეთა დაიწყო
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში