ანრი ოხანაშვილი - ყველა ძირითადი რეკომენდაცია ასახულია საარჩევნო რეფორმის ფარგლებში - ეს არის წინ გადადგმული ნაბიჯი, რომ 2020 წლის და ყოველი მომდევნო არჩევნები იყოს კიდევ უფრო უკეთესი

იურიდიულ საკითხთა კომიტეტის თავმჯდომარის, ანრი ოხანაშვილის განცხადებით, თუ საარჩევნო კოდექსთან დაკავშირებით საერთაშორისო პარტნიორების მხრიდან რაიმე ტექნიკური ხასიათის საკითხებზე იქნება წინადადებები, მმართველი გუნდი მზადაა აღნიშნულ საკითხებზე იმსჯელოს.

როგორც ოხანაშვილმა განაცხადა, სასიხარულოა, რომ აშშ-ისა და ევროკავშირის ელჩების მხრიდან საარჩევნო რეფორმას პოზიტიური შეფასება აქვს.

„ჩვენთვის სასიხარულოა, როდესაც აშშ-ის საელჩო საქართველოში და ევროკავშირის ელჩი საქართველოში პოზიტიურად აფასებს იმ საარჩევნო რეფორმას, რომელიც ჩვენ განვახორციელეთ და რომელიც დაეფუძნა ეუთო/ოდირის რეკომენდაციებს. ყველა ძირითადი რეკომენდაცია ასახულია საარჩევნო რეფორმის ფარგლებში, შესაბამისად, ეს არის კიდევ ერთი წინ გადადგმული ნაბიჯი, რომ 2020 წლის არჩევნები და ყოველი მომდევნო არჩევნები იყოს კიდევ უფრო უკეთესი, ვიდრე აქამდე. კიდევ უფრო მეტი გამჭვირვალობა და კიდევ უფრო დახვეწილი საარჩევნო პროცესი იყოს უზრუნველყოფილი და ჩვენ ეს შევძელით, საერთაშორისო პარტნიორების აქტიური მხარდაჭერითა და მონაწილეობით.

რაც შეეხება ცალკეულ საკითხებს, თუ რაიმე კონკრეტული წინადადებები იქნება წარმოდგენილი, ჩვენ მზად ვართ შემდგომი დისკუსიისთვის და მსჯელობისთვის, თუ არის ტექნიკური საკითხები, შესაძლებელია დარეგულირდეს კანონის მიღმაც, თუკი პოლიტიკურ პარტიებს შორის იქნება კონსენსუსი”,- განაცხადა ანრი ოხანაშვილმა.

ცნობისთვის, საქართველოში ევროკავშირის ელჩმა კარლ ჰარცელმა განაცხადა, რომ წუხს, რომ ახალი საარჩევნო კანონმდებლობის უფრო ფართო პოლიტიკური მხარდაჭერის მიღების შესაძლებლობა ხელიდან იქნა გაშვებული.

„მივესალმები ეუთო/ოდირის (OSCE/ODIHR) რეკომენდაციების გათვალისწინებით მიღებულ სასიკეთო ცვლილებებს კანონმდებლობაში”,- განაცხადა ჰარცელმა. ამასთან, ელჩმა აღნიშნა, რომ სასურველი იქნებოდა უფრო ამბიციური რეფორმების განხორციელება ეუთო/ოდირის მიერ რეკომენდებულ საკვანძო სფეროებში, როგორიცაა: ამომრჩეველზე ზეწოლა, დავების განხილვა და კომისიების დაკომპლექტება.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან