აჭარის უმაღლესი საბჭო - წამყვანი კომიტეტი კონსტიტუციური კანონის პროექტს მხარს უჭერს

აჭარის ავტონომიური რესპუბლიკის უმაღლესი საბჭოს საკონსტიტუციო, იურიდიულ და საპროცედურო საკითხთა კომიტეტის სხდომაზე მესამე მოსმენით განიხილეს აჭარის ავტონომიური რესპუბლიკის კონსტიტუციური კანონის პროექტი - „აჭარის ავტონომიური რესპუბლიკის კონსტიტუციაში ცვლილების შეტანის შესახებ“. ამის შესახებ „ინტერპრესნიუსს” აჭარის უმაღლესი საბჭოდან აცნობეს.

„უმაღლესი საბჭოს წევრების - დავით გაბაიძის, მერაბ კარანაძის, დავით ბაციკაძის, ილია ვერძაძის, ირაკლი ჭეიშვილის, ნინო ჩხეტიას, ნუგზარ სურმანიძის, ვახტანგ წულაძის, ცოტნე ანანიძის, გიორგი მანველიძის, ვლადიმერ მგალობლიშვილის, დავით თედორაძის, ხვიჩა შარაშიძის, გიორგი რომანაძის მიერ ინიცირებული კანონის პროექტი სხდომაზე უმაღლესი საბჭოს წევრმა - დავით გაბაიძემ წარადგინა. კომიტეტმა კანონის პროექტი მეორე მოსმენისას გამოთქმული შენიშვნის გათვალისწინებით, პლენარულ სხდომაზე მესამე მოსმენით განხილვისათვის მომზადებულად მიიჩნია.

კომიტეტის წევრებმა მხარი დაუჭირეს სხდომაზე დავით გაბაიძის მიერ წარმოდგენილ კიდევ ერთ საკითხს, უმაღლესი საბჭოს დადგენილების პროექტს – „საქართველოს ორგანული კანონის პროექტის „აჭარის ავტონომიური რესპუბლიკის კონსტიტუციაში ცვლილების შეტანის შესახებ“ აჭარის ავტონომიური რესპუბლიკის კონსტიტუციური კანონის დამტკიცების თაობაზე“ და აჭარის ავტონომიური რესპუბლიკის კონსტიტუციური კანონის „აჭარის ავტონომიური რესპუბლიკის კონსტიტუციაში ცვლილების შეტანის შესახებ“ საქართველოს პარლამენტში წარდგენის თაობაზე, რომლის ინიციატორები უმაღლესი საბჭოს წევრები - დავით გაბაიძე და ნინო ჩხეტია არიან. პროექტის თანახმად, შესაბამისი მოხსენებებით სწორედ ისინი წარსდგებიან საქართველოს პარლამენტში.

კანონმდებლებმა ცნობად მიიღეს ინფორმაცია 2020 წლის საგაზაფხულო სესიის მიმდინარეობისას აჭარის ავტონომიური რესპუბლიკის უმაღლესი საბჭოს რეგლამენტის 35-ე მუხლის მე-3 პუნქტით გათვალისწინებული უფლების უმაღლესი საბჭოს ფრაქციების მიერ გამოყენების შესახებ, რომელიც საკონსტიტუციო, იურიდიულ და საპროცედურო საკითხთა კომიტეტის თავმჯდომარემ - ნინო ჩხეტიამ წარმოადგინა”,- ნათქვამია ინფორმაციაში.

გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ქართული პრესის მიმოხილვა 03.08.2020
ალექსანდრე თვალჭრელიძე -  გაბრაზებული ამომრჩევლები ხმას მცირე პარტიებს მისცემენ, პარლამენტის გასაღები სწორედ მცირე პარტიების და  ახალი სახეების ხელშია
„ციტადელი“ მომხმარებელს ახალ შოურუმში ეპატიჟება
როგორ ვისარგებლოთ თიბისი ფეის აპლიკაციით
კრედო ბანკსა და ევროპის საინვესტიციო ბანკს შორის მიკრო, მცირე და საშუალო ბიზნესების ხელშესაწყობად 36 მილიონი ლარის მოცულობის საფინანსო ხელშეკრულება გაფორმდა