გიორგი ვაშაძე - ყველაფერს გავაკეთებთ იმისთვის, რომ რაჭაში ჰესები არ აშენდეს და კულტურული მემკვიდრეობები არ დავკარგოთ

ყველაფერს გავაკეთებთ იმისთვის, რომ რაჭაში ჰესები არ აშენდეს და კულტურული მემკვიდრეობები არ დავკარგოთ,- ამის შესახებ „ახალი საქართველოს“ ლიდერმა გიორგი ვაშაძემ განაცხადა. მისი თქმით, ხელისუფლების მიერ დაგეგმილი პროექტები ითვალისწინებს 19-ზე მეტი ისტორიული ძეგლის წყლით დაფარვასა და განადგურებას.

„ამ წუთებში ვიმყოფები ონის მუნიციპალიტეტში, რიონის ხეობაში, სადაც უნდა აშენდეს ყოვლად დაუშვებელი ჰიდროელექტროსადგურები. ჩვენ კატეგორიულად ვეწინააღმდეგებით აღნიშნულ პროექტებს და ყველაფერს გავაკეთებთ იმისათვის, რომ ონისა და ნამახვანის ჰესები არ აშენდეს, რადგან ნამახვანის ჰესი წაგვართმევს ტვიშს, ხოლო ონის ჰესი წაგვართმევს ხვანჭკარას. პროექტი ითვალისწინებს 19-ზე მეტი ისტორიული ძეგლის წყლით დაფარვასა და განადგურებას. ასევე ის დროთა განმავლობაში გამოიწვევს ეკოლოგიურ კატასტროფებს. ამასთან ერთად იკვეთება სერიოზული კორუფციული გარიგება და გამომუშავებული ელექტროენერგია საკმაოდ მაღალი ფასით უნდა შეისყიდოს გარანტირებულად სახელმწიფომ, რაც ენერგო დამოუკიდებლობას ნამდვილად არ ემსახურება," - განაცხადა გიორგი ვაშაძემ.

გიორგი ვაშაძის განცხადებას „ახალი საქართველო“ ავრცელებს.

დიმიტრი შველიძე -  ხელისუფლების მთავარი თავის ტკივილი „ნაცმოძრაობაა“,  ამ ფონზე, მისთვის შეიძლება უფრო მისაღები იყოს „ევროპული საქართველო“
ქართული პრესის მიმოხილვა 12.08.2020
სევრის ხელშეკრულების 100 წლისთავი
ამერიკული სტეიკების ფესტივალი ბათუმში
“დიდი სიყვარულის დასაწყისი” - Wolt ქუთაისშია!
„მოედანი“ - პროექტი, რომელიც ავლაბარს ახალ სიცოცხლეს შესძენს
ამერიკული სტეიკის მასტერკლასი ბათუმში