ქედაში ავტომანქანის ხევში გადავარდნის შედეგად დაშავებულებიდან მამაკაცის და 11 წლის ბავშვის მდგომარეობა მძიმეა, ხოლო 64 წლის ქალის მდგომარეობა მსუბუქია

აჭარის ჯანდაცვის მინისტრის ზაალ მიქელაძის ინფორმაციით, ქედაში სოფელ მეძიბნაში ავტოსაგზაო შემთხვევის შედეგად დაშავებული ორი პირის ჯანმრთელობის მდგომარეობა მძიმეა, ხოლო ერთის შედარებით მსუბუქია. ზაალ მიქელაძის ცნობით, დაშავებულები ბათუმის კლინიკებში არიან მოთავსებული, ხოლო 64 წლის ქალის ტრანსპორტირება ამ წუთებში მიმდინარეობს.

"ავტოსაგზაო შემთხვევა სოფელ მეძიბნაში მოხდა, სადაც მსუბუქი ავტომობილი ხევში გადავარდა. შემთხვევის შედეგად 56 წლის ქალი ადგილზე გარდაიცვალა. სამი ადამიანია დაშავებული. დაშავებულ მამაკაცს ტრავმული შოკი აქვს, იგი რეფერალურ საავადმყოფოშია გადაყვანილი, ასევე 11 წლამდე ასაკის ბავშვი კიდურების მოტეხილობით ბათუმის ბავშვთა საავადმყოფოშია მოთავსებული. ხოლო მესამე დაშავებულია 64 წლის ქალი კიდურების მოტეხილობით, მისი ბათუმის კლინიკაში ტრანსპორტირება მიმდინარეობს. მისი მდგომარეობა შედარებით მსუბუქია", - განაცხადა ზაალ მიქელაძემ.

ვაჟა ბერიძე -  „ნაციონალებს“ და მის მოკავშირეებს ელექტორატის ნახევარზე მეტი არ უჭერს მხარს, ხოლო 50%,  ვისაც არჩევანი გაკეთებული არ აქვს, „ოცნების“, დასავლელი პარტნიორებისა და საზოგადოების მთავარი პრობლემაა
ქართული პრესის მიმოხილვა 13.08.2020
აგვისტოს ომიდან 12 წლის შემდეგაც საქართველო დგას რუსული აგრესიის წინაშე
„თიბისის" პერსონალური საბანკო მომსახურება ტრანსფორმაციის ეტაპზე გადავიდა
Wolt და Mastercard ბათუმში გელიან!