“ნაციონალური მოძრაობის“ პოლიტსაბჭოს წევრს ოთარ სირაძესა და რაჭაში ერთ-ერთ აქტივისტს ნიკოლოზ ღლონტს შორის ფიზიკური დაპირისპირება მოხდა. ამბროლაურში ფიზიკურ დაპირისპირებას წინ კამათი უძღოდა.
დაპირისპირების შემდეგ ნიკოლოზ ღლონტი ამბროლაურში, პოლიციის განყოფილებაში გამოკითხვაზე იმყოფება. კიდევ ერთი აქტივისტის მარიამ ვაწაძის ინფორმაციით, "ნაციონალური მოძრაობის" წევრის გაღიზიანება აქტივისტების პოზიციამ გამოიწვია, რომ ონში გამართულ აქციაზე პოლიტიკოსები არ დაეშვათ.
მომხდარ ფაქტზე შსს-მ გამოძიება სისხლის სამართლის კოდექსის 239-ე მუხლით დაიწყო, რაც ხულიგნობას გულისხმობს.