მესტიის მუნიციპალიტეტის ხაიშის თემის სოფელ იდლიანის მიმდებარედ, მთის ფერდობზე ხანძრის ქრობის სამუშაოები დილიდან განახლდება. ცეცხლის ჩაქრობა ამ დრომდე ვერ მოხერხდა.
როგორც „ინტერპრესნიუსს“ საგანგებო სიტუაციების მართვის სამსახურში განუცხადეს, ადგილზე მთელი ღამის განმავლობაში მონიტორინგი განხორციელდება.
ხანძარი მესტიაში რამდენიმე საათის წინ გაჩნდა. ადგილზე 20 სახანძრო-სამაშველო ჯგუფი მუშაობდა.