შაქარაშვილის საქმეზე ბრალდებული არასრულწლოვნის ადვოკატის განცხადებით, დღეს საგამოძიებო მოქმედება ტარდება, რომლითაც ამირხანაშვილმა უნდა ამოიცნოს მისი დაცვის ქვეშ მყოფი იყო თუ არა მანქანაში

ფეხბურთელ გიორგი შაქარაშვილის გარდაცვალების საქმეზე ბრალდებული არასრულწლოვნის ზ. ხ.-ს ინტერესების დამცველის, გიორგი გელხაურის განცხადებით, დღეს საგამოძიებო მოქმედება ტარდება, რომლის მიხედვითაც დაზარალებულმა ამირხანაშვილმა, უნდა ამოიცნოს ზ.ხ. ნამდვილად იმყოფებოდა თუ არა მანქანაში.

გელხაურის თქმით, მისი დაცვის ქვეშ მყოფს დიდი ხანია უკვე ბრალი თავისუფლების უკანონოდ აღკვეთით წარუდგინეს, თუმცა ამოცნობის პროცედურა მხოლოდ დღეს ტარდება, რაც მისი თქმით, კიდევ ერთი კითხვის ნიშანია გამოძიების ხარისხთან მიმართებაში.

„რაც შეეხება დღევანდელ საგამოძიებო მოქმედებას, ტარდება ამოცნობის პროცედურა, რომლითაც დაზარალებულმა ამირხანაშვილმა უნდა ამოიცნოს ზ.ხ., ნამდვილად იმყოფებოდა თუ არა მანქანაში და იცნობს თუ არა მას. რამდენადაც გასაკვირი არ უნდა იყოს, ბრალი უკვე დიდი ხანია მას თავისუფლების უკანონოდ აღკვეთით წარუდგინეს, თუმცა საუბარი იმაზე, რომ დღეს ტარდება მისი ამოცნობა, ეს კიდევ ერთი კითხვის ნიშანი არის გამოძიების ხარისხთან მიმართებაში. ჩვენ არასრულწლოვანის დაკავებამდე დაგვიკავშირდნენ და გვითხრეს, რომ ჩავსულიყავით მცხეთაში, რათა მიგვეღო მონაწილეობა საგამოძიებო მოქმედებაში. ჩვენ დავთანხმდით, მაქსიმალურად ვთანამშრომლობთ გამოიებასთან, ჩვენ ჩვენი სურვილით ჩავაბარეთ მათ ექსპერტიზისთვის ყველანაირი საჭირო მასალა. აბსოლუტურად არაფერზე არ გვითქვამს უარი გამოძიებისთვის და მეორე დღეს მივდიოდით, რომ მიგვეღო მონაწილეობა ამ საგამოძიებო მოქმედებაში, რასაც ამოცნობა ჰქვია, რომ ამირხანაშვილს ამოეცნო ზ.ხ., თუმცა ჩვენ გასაოცრად ზ.ხ. ჩვენს ჩასვლამდე, დილით ადრე დააკავეს და მას შემდეგ არ ჩატარებულა ეს ამოცნობა, რომ ეთქვა ამირხანაშვილს ნამდვილად იმყოფებოდა თუ არა მანქანაში ზ.ხ.“, - განაცხადა გიორგი გელხაურმა "მთავარის" პრესკლუბში გამართულ პრესკონფერენციაზე.

ფარხატ მამედოვი - სომხებმა რაც უნდა ის გააკეთონ, დაგვაყენონ ფაქტის წინაშე, რომ რუსი მესაზღვრეები აღარ დგანან სომხეთ-ირანის საზღვარზე, ამის შემდეგ დადგება ახალი რეალობა და თავის პოზიციას აზერბაიჯანიც ჩამოაყალიბებს
ქართული პრესის მიმოხილვა 25.04.2024
არჩილ მორჩილაძე - AACI-ის გეგმის მიხედვით, 2024 წლის 15 სექტემბრამდე, ყველა კლინიკაში უნდა დასრულდეს ძირითადი აუდიტის პროცესი, რათა შემდეგ დარჩეს დრო ხარვეზების გამოსწორებისა და მაკორექტირებელი გეგმების წარსადგენად
თბილისში ახალი კლინიკა - ჟორდანიას სამედიცინო ცენტრი გაიხსნება
m² კოლაბორაციულ პროექტს იწყებს
GM PHARMA ამერიკის სავაჭრო პალატის (AmCham) წევრი გახდა