გია ვოლსკი - ინიციატივა გულისხმობს, რომ არჩევნები ჩავატაროთ კარგად, გადავარჩინოთ ეკონომიკა და რაც მთავარია, გადავარჩინოთ ადამიანის სიცოცხლე

სპეკულაციები, თითქოს „საზოგადოებრივი ჯანდაცვის შესახებ“ კანონით გათვალისწინებული ცვლილებები რაღაცნაირად არჩევნებთან არის დაკავშირებული, არათუ არასწორია, უზნეობაა,- ამის შესახებ პარლამენტის პირველმა ვიცე-სპიკერმა გია ვოლსკიმ მედიასთან განაცხადა. ამით ის გამოეხმაურა „საზოგადოებრივი ჯანმრთელობის შესახებ“ კანონით გათვალისწინებული რეგულაციების გახანგრძლივებასთან დაკავშირებით ინიციატივას.

მისი თქმით, მსოფლიოში ეპიდვითარება საკმაოდ რთულია და საქართველომ ყველაფერი უნდა გააკეთოს, რომ ვითარება არ დამძიმდეს.

"ინიციატივა გულისხმობს იმას, რომ არჩევნები ჩავატაროთ კარგად, გადავარჩინოთ ეკონომიკა და რაც მთავარია, გადავარჩინოთ ადამიანის სიცოცხლე. ურთულესი მდგომარეობა ჩამოყალიბდა კვლავ მსოფლიოში, ევროპაში და ყველა ზომა უნდა ვიხმაროთ იმისათვის, რათა ჩვენთან არ დამძიმდეს ეს ვითარება. რაც შეეხება სპეკულაციებს, თითქოს ეს რაღაცნაირად არჩევნებთან არის დაკავშირებული, არათუ არასწორია, უზნეობაა. მე არ მგონია, რომ ოპოზიციური პარტიებიც წინააღმდეგი იყვნენ", - განაცხადა ვოლსკიმ.

შეგახსენებთ, პარლამენტში ინიცირებულია „საზოგადოებრივი ჯანმრთელობის შესახებ“ კანონში ცვლილებები, რომელიც რეგულაციების მოქმედების ვადის გახანგრძლივებას 2020 წლის ბოლომდე ითვალისწინებს. როგორც ცნობილია აღნიშნული ცვლილებების ვადა, რომელიც მთავრობას საშუალებას აძლევს გარკვეული შეზღუდვები დააწესოს საგანგებო მდგომარეობის გამოცხადების გარეშე, 15 ივლისამდე არის განსაზღვრული.

რამაზ საყვარელიძე - არცერთ კვლევაში პატარა პარტიებისკენ არ მიდის ხმები, რადგან ჯერ ისევ „ნაციონალების“ და მისი ვარიაციების მიღება-არმიღებაა მწვავე საკითხი
ქართული პრესის მიმოხილვა 06.08.2020
გიორგი პერტაია - სავაჭრო პალატა მეწარმეებს ბიზნესის მხარდამჭერ ყველა პროგრამას ერთ ონლაინ პლატფორმაზე სთავაზობს
ბიზნესოპერაციები მობილური ტელეფონით - ტერაბანკის მობაილბანკი ბიზნესისთვის
ბუნებრივი რესურსების საკონსულტაციო მომსახურება - კოლიერსის და MMS-ის ერთობლივი პროდუქტი
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა