ლევან კობერიძე - „ოცნება“ კორონავირუსზე პარაზიტობს - კორონავირუსი მაშველი რგოლი აღარ არის, უკვე ხელოვნურ სუნთქვაზე ჰყავს რეალურად მმართველი გუნდი

„ქართული ოცნება“ კორონავირუსზე პარაზიტობს, ვირუსზე პარაზიტობა თუ შეიძლება რომ წარმოვიდგინოთ, - ამის შესახებ დამოუკიდებელმა დეპუტატმა ლევან კობერიძემ „პალიტრანიუსის“ გადაცემა „ნიუსრუმში“ განაცხადა.

მისი თქმით, მმართველი პარტია ცდილობს ამ ვითარებაში პოლიტიკური სარგებელი ნახოს და ყველაფერს კორონავირუსს აბრალებს.

„სარგებლობს და ბოლომდე იყენებს კორონავირუსს ყველა მიმართულებით. მოდი ვაღიაროთ, რომ კორონავირუსი მაშველი რგოლი აღარ არის, უკვე ხელოვნურ სუნთქვაზე ჰყავს რეალურად მმართველი გუნდი, იმიტომ რომ კორონავირუსამდე მისი რეიტინგი 20%-ს არ აღემატებოდა რეალურად მოსახლეობაში და კორონავირუსის ფონზე გარკვეულწილად ცოტა წამოიწივნენ, ამოისუნთქეს. „ქართული ოცნება“ რეალურად ჩამოკიდებულია ბოლომდე ამ კორონავირუსს და მაქსიმალურად ცდილობს პოლიტიკური სარგებელი ნახოს. არჩევნებამდე ცდილობს მიათრიოს ეს პროცესი. დღეს გამოდის პირველი მოსმენით ჯანდაცვის კომიტეტზე, რომ 15 ივლისამდე რაც ჰქონდათ, ფაქტობრივად, ანტიკონსტიტუციურად საგანგებო მდგომარეობა შემოღებული, უნდა გააგრძელონ 2021 წლის პირველ იანვრამდე ანუ მაქსიმალურად სარგებლობს და სარგებლობს, მათ შორის, კორუფციულ ნაწილში. სარგებლობს იმით, რომ ყველაფერს აბრალებს კორონავირუსს და ამბობს, რომ პირდაპირი შესყიდვა იყო საჭირო, დრო არ იყო, ოპერატიულობა ითხოვდა და შესაბამისად, ეს თანხები ხვდება სწორედ იმ ოლიგოპოლიურ და პოლიტიკურ კონიუნქტურასთან შეზრდილ ბიზნეს სუბიექტებთან, რომლებიც ამით სარგებლობენ,“- განაცხადა ლევან კობერიძემ.

გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ქართული პრესის მიმოხილვა 03.08.2020
ალექსანდრე თვალჭრელიძე -  გაბრაზებული ამომრჩევლები ხმას მცირე პარტიებს მისცემენ, პარლამენტის გასაღები სწორედ მცირე პარტიების და  ახალი სახეების ხელშია
„ციტადელი“ მომხმარებელს ახალ შოურუმში ეპატიჟება
როგორ ვისარგებლოთ თიბისი ფეის აპლიკაციით
კრედო ბანკსა და ევროპის საინვესტიციო ბანკს შორის მიკრო, მცირე და საშუალო ბიზნესების ხელშესაწყობად 36 მილიონი ლარის მოცულობის საფინანსო ხელშეკრულება გაფორმდა