ტელეკომპანია „მთავარი არხის“ დირექტორი ნიკა გვარამია საგამოძიებო უწყებაში არ მივა. როგორც „ინტერპრესნიუსს“ მისმა ადვოკატმა, დიმიტრი საძაგლიშვილმა განუცხადა, გვარამია სასამართლოში გამოკითხვას მოითხოვს.
გვარამია კრიმინალურ პოლიციაში გამოკითხვაზე დღეს, 17:00 საათზეა დაბარებული.
"გამოძიების ინტერესის საგანია, თუ რა ინფორმაციას ფლობს ნიკა გვარამია, როგორც "მთავარი არხის" გენერალური დირექტორი არხის ეთერში გიორგი შაქარაშვილის საქმესთან დაკავშირებით გაჟღერებული გარემოებების შესახებ", - აცხადებენ შსს-ში.