სოფო ხალვაში - ბათუმის მერს დღეს ვესაუბრე ერთ-ერთ პროექტზე და წასვლის შესახებ არაფერი უთქვამს

ბათუმის მერის მოადგილე სოფო ხალვაში აცხადებს, რომ მას ლაშა კომახიძის თანამდებობიდან გადაგომის შესახებ ინფორმაცია არ აქვს.

ხალვაშის თქმით, წასვლის შესახებ მერს არაფერი უთქვამს.

"ბათუმის მერის გადადგომაზე ინფორმაცია არ მაქვს, ტელევიზიებიდან გავიგე და დასაზუსტებლად მოვედი მერიაში. მერს დღეს ველაპარაკე, ჩვენ საქმიანი საუბარი გვქონდა ერთ-ერთ პროექტზე და წასვლის შესახებ მას არაფერი უთქვამს“, - აღნიშნა სოფო ხალვაშმა.

ინფორმაციას გამოეხმაურა „ერთიანი ნაციონალური მოძრაობის“ აჭარის ორგანიზაციის“ წევრი. გიორგი კირთაძის თქმით, მსგავსი ინფორმაცია ბევრჯერ გავრცელდა და მიზეზი შესაძლოა, თორნიკე რიჟვაძესთან დაპირისპირება იყოს.

"განცხადება არ მინახავს და არც არავის უნახავს, ალბათ, ორშაბათს იტყვიან. კომახიძე კი არა პრემიერ-მინისტრები მიდიან განმარტების გარეშე. მის წასვლაზე ბევრჯერ თქვეს, მიზეზი შეიძლება, იყოს მისი დაპირისპირება თორნიკე რიჟვაძესთან. შესაძლოა, უკავშირდებოდეს არჩევნებს ან ორივეს ერთად. ქალაქში არსებულ პრობლემებზე აპირებდნენ მასზე ხელისშეხოცვას", - განაცხადა „ნაციონალური მოძრაობის“ წევრმა გიორგი კირთაძემ.

ცნობისთვის, ბათუმის მერის გადადგომის შესახებ მედიაში ინფორმაცია დღეს გავრცელდა. მერიის პრესსამსახურში აცხადებენ, რომ ლაშა კომახიძეს განცხადება დაწერილი არ აქვს.

გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ქართული პრესის მიმოხილვა 03.08.2020
ალექსანდრე თვალჭრელიძე -  გაბრაზებული ამომრჩევლები ხმას მცირე პარტიებს მისცემენ, პარლამენტის გასაღები სწორედ მცირე პარტიების და  ახალი სახეების ხელშია
„ნიუ ჰაუსი“ მომხმარებელს 27-თვიან შიდა უპროცენტო განვადებას სთავაზობს - იცხოვრე კომფორტულ გარემოში