წყალტუბოს მუნიციპალიტეტის სოფელ მაღლაკში მოსახლეობამ აქცია გამართა. ადგილობრივები სოფელში არსებულ პრობლემებს აპროტესტებენ. მოსახლეობის თქმით, სოფელში არ არის გზა, სკოლა, წყალი, დაზიანებულია ხიდები.
მოსახლეობა აცხადებს, რომ მათ არაერთხელ მიმართეს ადგილობრივ ხელისუფლებას, თუმცა უშედეგოდ. ადგილობრივები მოთხოვნების დაუკმაყოფილებლობის შემთხვევაში აქციების მერიასთან გამართვას აანონსებენ.
"წლებია ამ მდგომარეობაში ვართ, არ არის გზა, სასწრაფო ვერ მოდის, დაზიანებულია ხიდები, არ არის სკოლა და ბაღი, არ გვაქვს წყალი და ამასთან, საძოვრების გარეშეც დავრჩით. მოვითხოვთ, მოგვაქციონ ყურადღება. თუ ჩვენი მოთხოვნები არ დაკმაყოფილდება, პროტესტი გაგრძელდება", -აცხადებენ ადგილობრივები.
მოსახლეობის პროტესტს "ნაციონალური მოძრაობის" წევრები შეუერთდნენ.