ზუგდიდის მუნიციპალიტეტში, მდინარე ჯუმში 15 წლის მოზარდს ეძებენ

ზუგდიდის მუნიციპალიტეტის სოფელ დარჩელში, მდინარე ჯუმში 15 წლის მოზარდს ეძებენ. როგორც სოფლის რწმუნებულმა მამუკა ჯოლოგუამ "ინტერპრესნიუსს" განუცხადა, მოზარდი პირუტყვის გადმოსარეკად მდინარის მეორე ნაპირზე გადადიოდა, რა დროსაც დინებამ გაიტაცა.

მისივე ინფორმაციით, მოზარდს მდინარეში დაახლოებით ორი საათია ეძებენ.

"საქონლის გადასარეკად გადადიოდა, რა დროსაც გაიტაცა მდინარემ. მასთან ერთად სხვა ბავშვებიც იყვნენ და ისინი ყვებიან ამას. მდინარე ადიდებულია და ჩქარი დინებაცაა", - აცხადებს მამუკა ჯოლოგუა.

მისივე თქმით, სამძებრო ღონისძიებებში სამაშველო სამსახურთან ერთად მოსახლეობაც არის ჩართული. ადგილზე ასევე იმყოფებიან ადგილობრივი ხელისუფლების წარმომადგენლებიც.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს