თურქეთში წყალდიდობას მსხვერპლი მოჰყვა
თურქეთის შავი ზღვის რეგიონში ძლიერი წვიმისგან გამოწვეულ წყალდიდობას ორი ადამიანის სიცოცხლე ემსხვერპლა, - ამის შესახებ ინფორმაციას თურქული მედია ავრცელებს.
მათივე ინფორმაციით, სტიქიის შედეგად 11 ადამიანი დაშავდა და ისინი საავადმყოფოებში არიან გადაყვანილები.
ქვეყნის შინაგან საქმეთა მინისტრი სულეიმან სოილუ აცხადებს, რომ სამაშველო ჯგუფებს 12 სოფლამდე მისვლა უჭირთ.
ხელისუფლების ინფორმაციით, რეგიონში რამდენიმე სახლი დაზიანდა, 3 კი - მთლიანად დაინგრა.
