საქართველოში, კორონავირუსით ინფიცირების 4 ახალი შემთხევევიდან, ერთი რუსთავის ,,ცხელების ცენტრში“ დაფიქსირდა. როგორც ,,ინტერპრესნიუსს“ რუსთავის „ცხელების ცენტრის“ ხელმძღვანელმა, ეპიდემიოლოგმა მაია რაზმაძემ განუცხადა, შუახნის მამაკაცი საქართველოში სომხეთიდან 4 დღის წინ შემოვიდა და ის საკარანტინე სივრცეში იმყოფებოდა.

,,ინფიცირებულ მამაკაცს, სომხეთში მოგზაურობის ისტორია აქვს. ის ოთხი დღის განმავლობაში საკარანტინე სივრცეში იმყოფებოდა. ჩვენთან გუშინ იქნა შემოყვანილი, მას მუცლის ტკივილი და ტემპერატურა აღენიშნებოდა. ჩაუტარდა ლაბორატორიული კვლევა და შედეგად ,,კოვიდ 19“ დაუდასტურდა. პაციენტი უკვე გადაყვანილია თბილისის ინფექციურ საავადმყოფოში“, - განაცხადა ,,ინტერპრესნიუსთან“ საუბარში მაია რაზმაძემ.

რუსთავის ,,ცხელების ცენტრში“ ამ დროისთვის ოთხი პირია მოთავსებული, რომელთაც კორონავირუსზე 24 საათის განმავლობაში გამოიკვლევენ.