არჩილ თალაკვაძე სერგი კაპანაძეს - როგორც ჩანს, ერთწლიანმა ბოიკოტმა და სხდომების გაცდენამ ძალიან ცუდი გავლენა მოახდინა თქვენზე

როგორც ჩანს, ერთწლიანმა ბოიკოტმა და სხდომების გაცდენამ ძალიან ცუდი გავლენა მოახდინა თქვენზე, - ასე მიმართა საქართველოს პარლამენტის თავმჯდომარე არჩილ თალაკვაძემ „ევროპული საქართველოს“ წევრს, სერგი კაპანაძეს პარლამენტის ბიუროს სხდომაზე.

როგორც თალაკვაძემ განაცხადა, როდესაც კომიტეტი სამინისტროსთან საკანონმდებლო რეფორმაზე მუშაობს და გარკვეულ საკითხებზე თანხმდება, ეს საკანონმდებლო მუშაობის ნაწილია.

„გეტყობათ, რომ ძალიან გაოცებული ხართ ელემენტარული რამით, რომელიც არის საპარლამენტო და სახელისუფლებო სამუშაოს ანი და ბანი. როდესაც დარგობრივი კომიტეტი მუშაობს სამინისტროსთან საკანონმდებლო რეფორმაზე, ეს არის ჩვეულებრივი ნაწილი და კანონშემოქმედების ნაწილი, რამაც ასე გაგაოცათ და აღგაშფოთათ. ამიტომ, ნუ გიკვირთ, თუ, მაგალითად საფინანსო-საბიუჯეტო კომიტეტი ბიუჯეტის დამტკიცებამდე სამინისტროსთან ერთად ამზადებს და თანხმდება საკითხებზე. სხდომებს ნუ გააცდენთ, როგორც ჩანს, დაგავიწყდათ ის, რაც საბაზისოა საპარლამენტო მუშაობაში“, - განაცხადა თალაკვაძემ.

ცნობისთვის, ბიუროს სხდომაზე სერგი კაპანაძემ თალაკვაძეს შემდეგი სიტყვებით მიმართა: „თქვენ თქვით, შეთანხმების საგანი უნდა იყოსო და არ არის ასე, რას ქვია შეთანხმების საგანი უნდა იყოს? გულისხმობთ იმას, რომ როცა მაგალითად, მარეგულირებელს ან ნარმანიას შემოაქვს კანონი, წინასწარ გაქვთ შინაარსი შეთანხმებული და ამის განხილვას აზრი არ აქვს?“.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 10.08.2020
სევრის ხელშეკრულების 100 წლისთავი
„მოედანი“ - პროექტი, რომელიც ავლაბარს ახალ სიცოცხლეს შესძენს
ამერიკული სტეიკის მასტერკლასი ბათუმში