ბათუმში ორი ახალგაზრდის დაჭრის ფაქტზე დაკავებულს პატიმრობა შეეფარდა

ბათუმში ორი ახალგაზრდის დაჭრის ფაქტზე დაკავებულ 24 წლის ნიკა ბეგიაშვილს ბათუმის საქალაქო სასამართლოს მოსამართლე დავით მამისეიშვილმა აღკვეთი ღონისძიების სახით პატიმრობა შეუფარდა და პროკურატურის მოთხოვნა სრულად დააკმაყოფილა.

როგორც მოსამართლემ განაცხადა, არსებობდა საფრთხე - დანაშაულის განმეორების, მიმალვისა და მტკიცებულებების განადგურების.

პროკურორის ალექსანდრე ძირკვაძის ინფორმაციით, ბრალდებულმა დანაშაულის ჩადენის შემდეგ მტკიცებულების განადგურება და მიმალვა სცადა. ბრალდებულს გამოძიება განზრახ მკვლელობის მცდელობას ედავება, რაც თავისუფლების აღკვეთას 16-დან 20 წლამდე გულისხმობს.

თავის მხრივ, ბრალდებულის ადვოკატი სასამართლოს დაკავებულის გათავისუფლებას გირაოს სანაცვლოდ სთხოვდა, რომელმაც პროცესზე განაცხადა, რომ წარდგენილ ბრალს არ ეთანხმება. მისივე თქმით, ინცინდენტისას ბრალდებულიც დაშავდა.

ცნობისთვის, ორი დღის წინ ბათუმში ერთ-ერთ კლუბში ახალგაზრდებს შორის ურთიერთშელაპარაკების ნიადაგზე ორი ბიჭი დაჭრეს, ისინი კლინიკა "მედცენტრში" არიან გადაყვანილი, მათი ჯანმრთელობის მდგომარეობა მძიმეა.

გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ქართული პრესის მიმოხილვა 03.08.2020
ალექსანდრე თვალჭრელიძე -  გაბრაზებული ამომრჩევლები ხმას მცირე პარტიებს მისცემენ, პარლამენტის გასაღები სწორედ მცირე პარტიების და  ახალი სახეების ხელშია
„ნიუ ჰაუსი“ მომხმარებელს 27-თვიან შიდა უპროცენტო განვადებას სთავაზობს - იცხოვრე კომფორტულ გარემოში