3 წლის ბავშვი, რომელიც პეტრე იბერის ქუჩაზე, საცხოვრებელი კორპუსის მე-6 სართულიდან გადმოვარდა, კვლავ მართვით სუნთქვაზეა და მისი მდგომარეობა სტაბილურად მძიმე რჩება.

„მდგომარეობის გაუარესება არ არის. ამ ეტაპზე დამატებით ოპერაციული ჩარევა აღარ სჭირდება. ბავშვს ოპერაცია ჩაუტარდა სახეზე, ორივე მკლავსა და იდაყვზე“, - განუცხადა „ინტერპრესნიუსს“ ი.ციციშვილის სახელობის ბავშვთა კლინიკის სამედიცინო დირექტორმა, მაია ჩხაიძემ.

შეგახსენებთ, რომ 3 ივლისს, თბილისში, პეტრე იბერის ქუჩაზე საცხოვრებელი კორპუსის მე-6 სართულიდან 3 წლის ბავშვი გადმოვარდა. შსს-მ გამოძიება სსკ-ს 124-ე მუხლით დაიწყო, რაც გაუფრთხილებლობით ჯანმრთელობის დაზიანებას გულისხმობს.