ბოლო 24 საათის განმავლობაში ავსტრალიაში კორონავირუსით კიდევ 237 ადამიანი დაინფიცირდა და საერთო ჯამში, ინფიცირებულთა რიცხვმა 10 487-ს მიაღწია. ამასთან, ბოლო დღე-ღამის განმავლობაში ქვეყანაში კორონავირუსით კიდევ 3 ადამიანი დაიღუპა და მსხვერპლის რიცხვმა 111 შეადგინა.

აღსანიშნავია, რომ ბოლო 2 კვირის განმავლობაში ავსტრალიაში კორონავირუსის შემთხვევები მნიშვნელოვნად გაიზარდა. ამის გამო 7 ივლისს, პირველად ბოლო 100 წლის მანძილზე, ავსტრალიის 2 შტატს - ვიქტორიასა და ახალ სამხრეთ უელსს შორის საზღვარი ჩაიკეტა.

ვირუსის შემთხვევების ზრდის გამო ქვეყანაში შეზღუდვების თავიდან დაწესებასაც განიხილავენ.