„წყალმომარაგების კომპანიის” ინფორმაციით, თერჯოლაში მცხოვრები 500-მდე ადამიანი სტაბილური წყალმომარაგებით პირველად ისარგებლებს

“საქართველოს გაერთიანებული წყალმომარაგების კომპანია” თერჯოლაში, ჯაბიძის ქუჩაზე მოსახლეობის სტაბილური წყალმომარაგების უზრუნველსაყოფად გამრიცხველიანების სამუშაოებს იწყებს. ამის შესახებ „ინტერპრესნიუსს“ კომპანიიდან აცნობეს.

მათი ცნობით, აღნიშნულ საკითხთან დაკავშირებით ადგილობრივებთან შესახვედრად წყალმომარაგების კომპანიის დირექტორი გიგა მანდარია ჩავიდა. მოსახლეობასთან შეთანხმების საფუძველზე კომპანია სამუშაოებს უახლოეს დღეებში დაიწყებს და მიმდინარე თვის ბოლოს დაასრულებს. ჯაბაძის ქუჩის მცხოვრებლებს ცენტრალიზებული წყალმომარაგების სისტემა არასდროს ჰქონიათ და დღემდე, ეზოებში მოწყობილი ჭებით სარგებლობენ.

„აღნიშნული ქუჩის მოსახლეობას უკვე ათეული წლებია აქვს წყალმომარაგების პრობლემა. დღეს, ჩამოვედით იმისათვის, რომ აგვეხსნა წყლის მიწოდების გაუმჯობესებისთვის გამრიცხველიანების აუცილებლობა. მათ გამოთქვეს სურვილი დავიწყოთ შესაბამისი ღონისძიებების გატარება. მუნიციპალიტეტის მიერ ახალი ქსელის მოწყობა დასრულებულია. ამ კვირაში, ჩვენი სამსახურები მრიცხველების კვანძების მოწყობას დაიწყებენ, რაც დღეს არსებულ პრობლემებს სრულად აღმოფხვრის და მოსახლეობას სტაბილური წყლის მიწოდებით უზრუნველყოფს“, - განაცხადა გიგა მანდარიამ.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს