ქუთაისის ცენტრალურ ნაწილში დაგეგმილ მშენებლობას "ნაციონალური მოძრაობა" აპროტესტებს. საკრებულოს ფრაქცია "ნაციონალური მოძრაობის" თავმჯდომარის გიგა შუშანიას განცხადებით, ქალაქის ცენტრში მშენებლობაზე ნებართვა კულტურული მემკვიდრეობის დაცვის სააგენტომ გასცა, რაც სავარუდოდ, კორუფციის ნიშნებს შეიცავს, რადგან ქალაქის ცენტრში მსგავსი მშენებლობა დაუშვებელია.
"ქალაქის ცენტრში ფარდულის მშენებლობაზე ნებართვა კულტურული მემკვიდრეობის დაცვის სააგენტომ გასცა, რაც აჩენს ეჭვს, რომ არის კორუფციული გარიგება. კულტურულ სივრცეში მსგავსი მშენებლობა დაუშვებელია. ნაცვალად იმისა, რომ გუბერნია და სააგენტო გელათში არსებული პრობლემით დაინტერესდეს, მსგავს შენობაზე ნებართავს გასცემენ. საპარლამენტო ქალაქის ნაცვლად, ქუთაისი ფარდულების ქალაქად გადაიქცევა და ეს უნდა დავასრულოთ", -განაცხადა გიგა შუშანიამ.