საოკუპაციო ხაზთან დაკავებული ხვიჩა მღებრიშვილის ახლობლები დღეს შსს-ს წარმომადგენლებს შეხვდებიან

გორის მუნიციპალიტეტში, სოფელ მეჯვრისხევის განაპირას, საოკუპაციო ხაზთან დაკავებული ხვიჩა მღებრიშვილის ახლობლები დღეს შინაგან საქმეთა სამინისტროს შიდა ქართლის პოლიციის დეპარტამენტის წარმომადგენლებთან შეხვედრას გეგმავენ. ოჯახის წევრები დაკავებულის მდგომარეობასთან დაკავშირებით ინფორმაციის მიღებას სამართალდამცავებისგან ელიან.

45 წლის ხვიჩა მღებრიშვილი საოკუპაციო ძალების წარმომადგენლებმა გამყოფ ხაზთან 3 ივლისს დააკავეს და ცხინვალში გადაიყვანეს. დაკავების შემდგომ ოჯახს არავინ დაკავშირებია, თუმცა, სხვადასხვა წყაროს ინფორმაციით, მღებრიშვილი დე ფაქტო რეჟიმის წარმომადგენლებმა ე.წ. კარანტინში მოათავსეს.

დაკავებულის ახლობლებმა გუშინ, სოფელ მეჯვრისხევში აქცია გამართეს და დაკავებულის უმოკლეს დროში გასათავისუფლებლად ხელისუფლებისგან ყველა არსებული ბერკეტის დაუყოვნებლივ გამოყენება მოითხოვეს.

დიმიტრი შველიძე -  ხელისუფლების მთავარი თავის ტკივილი „ნაცმოძრაობაა“,  ამ ფონზე, მისთვის შეიძლება უფრო მისაღები იყოს „ევროპული საქართველო“
ქართული პრესის მიმოხილვა 13.08.2020
აგვისტოს ომიდან 12 წლის შემდეგაც საქართველო დგას რუსული აგრესიის წინაშე
Wolt და Mastercard ბათუმში გელიან!