ბათუმის შოთა რუსთაველის სახელმწიფო უნივერსიტეტის რექტორი კვლავ მერაბ ხალვაში გახდა. მას აკადემიური საბჭოს 11 წევრიდან უმრავლესობამ მხარი დაუჭირა.
მერაბ ხალვაში ბსუ-ს მოქმედი რექტორია, ის უფლებამოსილებას 2016 წლის 18 ივლისიდან ასრულებს.
რექტორობის მეორე კანდიდატი ინგა შამილიშვილი იყო, იგი ბსუ-ს ჰუმანიტარულ მეცნიერებათა ფაკულტეტის ასოცირებული პროფესორია და აჭარის განათლების, კულტურისა და სპორტის ყოფილი მინისტრი იყო.