ფოთში, ნავსადგურის ტერიტორიაზე ადგილობრივებმა გზა გადაკეტეს

ფოთში, ნავსადგურის ტერიტორიაზე, ჯავახიშვილის ქუჩის მცხოვრებლები აქციას მართავენ. მათ გადაკეტილი აქვთ საავტომობილო გზა.

შეკრებილების განცხადებით, პორტის ტერიტორიაზე ჯანმრთელობისთვის საშიში ნივთიერებები ღია წესით მუშავდება. მათივე თქმით, აღნიშნული ნივთიერების ტრანსპორტირება უსაფრთხების ნორმების დარღვევით ხორციელდება. აქციის მონაწილეები ხელისუფლების მხრიდან სწრაფ რეაგირებასა და საკითხის მოგვარებას ითხოვენ.

,,ტვირთებს ღია წესით ამუშავებენ და ყველა მტვერი სახლში შემოდის. წლებია ამას ვაპროტესტებთ, მაგრამ შედეგი არაფერი არ არის. გუშინ, ჩვენი უბნის წარმომადგენელი შეხვდა ნავსადგურის გენერალურ დირექტორს, რომელიც უცხოელი ყოფილა, ასეთი დასკვნა გამოიტანა შეხვედრიდან, რომ მას არ აინტერესებს ეს საკითხი. მას შეუძლია, ერთადერთი შემოვლითი გზის პრობლემის მოგვარება, რომელიც ცოტა განტვირთავს ამ სიტუაციას. დანარჩენი მას არ აინტერესებს. ეკოლოგიურად ყველაფერი წესრიგში მაქვსო ამბობს, ამიტომ ჩვენ ჩართულობა გვინდა მთავრობის მხრიდან, რადგან შეთანხმება მთავრობასა და კერძო ბიზნესმენს შორის შედგა. აქ ვიქნებით, ვიდრე გარკვეულ შეთანხმებამდე არ მივალთ. თვითონ მერი არ მოსულა ჩვენთან, მოვიდა ვიცე-მერი კოტე თოფურია. მერია ვერაფერს ვერ გადაწყვეტს. კარგია ბიზნესის განვითარება, მაგრამ ეს ჩვენი ჯანმრთელობის ხარჯზე არ უნდა ხდებოდეს“, - განაცხადა აქციის მონაწილემ როზა ხურცილავა.

აღნიშნულ საკითხზე ადგილობრივ ხელისუფლებაში კომენტარს არ აკეთებენ . აქციის მონაწილეები დაშლას არ აპირებენ, ვიდრე ხელისუფლებასთან გარკვეული შეთანხმება არ შედგება.

ადგილზე სამართალდამცველები იმყოფებიან.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
როგორ იქმნება მომავლის რესტორნები მსოფლიოში? რა უნდა გაითვალისწინონ ქართველმა რესტორატორებმა
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი პარტნიორი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი