მინდია დავითაძე - „საქპატენტმა“ შეიმუშავა „საავტორო და მომიჯნავე უფლებების შესახებ“ ცვლილებების პროექტი, რომელიც ამ ეტაპზე უკვე კერძო სექტორთან განხილვას საჭიროებს

საჯარო და კერძო სექტორის წარმომადგენლებმა პარლამენტში საქართველოში კრეატიული ინდუსტრიების განვითარების ერთ-ერთ მთავარ გამოწვევაზე - მეკობრეობის პრობლემაზე იმსჯელეს. ამის შესახებ „ინტერპრესნიუსს“ „საქპატენტიდან“ აცნობეს.

მათი ცნობით, სექტორებს შორის დიალოგის ფორმატი ორგანიზებული იყო აშშ-ს საერთაშორისო განვითარების სააგენტოს ეკონომიკური უსაფრთხოების პროგრამის (The USAID Economic Security Program) ფარგლებში, საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტის დეპუტატთა მხარდაჭერით.

შეხვედრაზე წარმოდგენილი იყო პოლიტიკის დოკუმენტის სამუშაო ვერსია და განხილულ იქნა ყველა ის საკითხი, რომელიც დაისვა ინდუსტრიის წარმომადგენლების მიერ.

„დღეს განსაკუთრებულ გამოწვევას წარმოადგენს საავტორო უფლებების დაცვა ინტერნეტ სივრცეში. „საქპატენტმა“ შეიმუშავა „საავტორო და მომიჯნავე უფლებების შესახებ“ საქართველოს კანონში ცვლილებების პროექტი, რომელიც ამ ეტაპზე უკვე საჭიროებს კერძო სექტორთან განხილვას. კანონმდებლობის დახვეწა უკავშირდება ინტერნეტ სერვის პროვაიდერთა პასუხისმგებლობის სისტემის შემუშავებას, რაც უზრუნველყოფს ინტერნეტ სივრცეში საავტორო უფლებების მფლობელებისათვის საჯარო უწყებების გარეშე კერძო სამართლებრივი გზით უფლებების აღსრულების ეფექტური მექანიზმის შემოღებას. მნიშვნელოვანია ბოლო წლების განმავლობაში სწორედ კერძო სექტორისა და უფლებების მფლობელების გააქტიურება, რაც მნიშვნელოვნად შეუწყობს ხელს, მათ შორის, ინტერნეტ სივრცეში უფლებების ეფექტურ აღსრულებას“, - აღნიშნა შეხვედრაზე „საქპატენტის“ თავმჯდომარემ, მინდია დავითაძემ.

მისი განცხადებით, საქართველოში საავტორო უფლებების აღსრულების ეფექტური სისტემის უზრუნველყოფა მოითხოვს აქტიურ მუშაობას როგორც საჯარო, ისე კერძო სექტორის მხრიდან და მოუწოდა მხარეებს თანამშრომლობისთვის ინტელექტუალური საკუთრების დაცვისა და აღსრულებისათვის, პროგნოზირებადი და მდგრადი გარემოს შექმნის კუთხით.

„საქპატენტის“ ცნობითვე, იგეგმება საჯარო და კერძო სექტორის დიალოგის პროცესის გაგრძელება და საკანონმდებლო ცვლილებების პროექტზე მუშაობის დასრულება, რომელიც გადაეგზავნება განსახილველად საქართველოს მთავრობას.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი