აჭარაში კორონავირუსის საეჭვო ნიშნის მქონე 749 პირს ლაბორატორიული კვლევა ჩაუტარდა. როგორც აჭარის ჯანდაცვის სამინისტროში განაცხადეს, არცერთ მათგანს კორონავირუსი არ დაუდასტურდა.
რაც შეეხება კორონავირუსით ინფიცირებულ პირებს, ისინი ბათუმის რესპუბლიკურ საავადმყოფოში აგრძელებენ მკურნალობას. შვიდივე მათგანის ჯანმრთელობის მდგომარეობა სტაბილურია.
"დაავადებათა კონტროლის აჭარის სამმართველოსა და ბათუმის ინფექციური საავადმყოფოს ლაბორატორიებში ჩატარებული 749 ლაბორატორიული კვლევის შედეგი უარყოფითია. ცხელების კლინიკებში მოთავსებულია 21 პირი, რომელთა კვლევის პასუხები ხვალ გახდება ცნობილი. ჯამში აჭარაში კორონავირუსზე PCR ტესტი ჩაუტარდა 28 948 პირს. დღეს არსებული მონაცემებით, კარანტინში იმყოფება 2190 პირი. კარანტინი დატოვა - 10490-მა პირმა", - განაცხადეს უწყებაში.