ბათუმში რუსეთის საოკუპაციო ძალების მიერ გატაცებული საქართველოს მოქალაქის ზაზა გახელაძის მხარდამჭერი აქცია გაიმართა.

ბათუმში მცხოვრებლებმა საქართველოს მოქალაქის დაუყოვნებლივ გათავისუფლება მოითხოვეს და ასევე რუსეთის მიერ საქართველოს მიმართ განხორციელებული აგრესია, კიდევ ერთხელ გააპროტესტეს.

"ადამიანები ყოველდღე ქრებიან ჩვენს მიერ კონტროლირებადი ტერიტორიებიდან და გაურკვეველ ვითარებაში იღუპებიან. ეს უნდა გავაჩეროთ, ხმაური უნდა ავტეხოთ, სხვანაირად არ შეიძლება", - განაცხადა აქციის ერთ-ერთმა მონაწილემ მალხაზ რეხვიაშვილმა.