ის რაც ბათუმის მერიაში ხდება, სრული უსინდისობაა, ეს არის პოლიტიკური აღებ-მიცემობა, - ამის შესახებ პოლიტიკური გაერთიანება "ლელოს" აჭარის ორგანიზაციის თავმჯდომარე ირაკლი კუპრაძემ ბათუმის მერიასთან გამართულ ბრიფინგზე განაცხადა. მან ბათუმის მერი პოლიტიკურ ვაჭრობაში დაადანაშაულა.
"ის რაც ბათუმის მერიაში ხდება, სრული უსინდისობაა, პოლიტიკური აღებ-მიცემობაა, რაც ბათუმელი ამომრჩევლის წინაშე დანაშაულია. ლაშა კომახიძე იყო და ჯერჯერობით არის არჩეული მერი, რომელიც შევიდა პოლიტიკურ სპეკულაციასა და გარიგებებში, ის თმობს პოზიციას იმ შანტაჟის გამო, რასაც "ქართული ოცნება" აჭარაში ეწევა, ეს არის უმძიმესი დანაშაული და პასუხი უნდა აგოს, "ქართული ოცნების" ყველა წარმომადგენელმა ჩვენს რეგიონში. მას ტექნიკური შვებულება ააღებინებს ან აიღო",- განაცხადა ირაკლი კუპრაძემ.