„მე დამნაშავე არ ვარ, ყველა ფაქტი გაყალბებულია და კანონის უხეში დარღვევებით არის მოპოვებული“, - ამის შესახებ "მთავარი არხის" ერთ-ერთმა მეწილემ, გიორგი რურუამ სასამართლო პროცესზე განაცხადა.

მან ბრალდების მხარის მიერ დასკვნითი სიტყვის წარმოთქმამდე განცხადება გააკეთა და კიდევ ერთხელ აღნიშნა, რომ მას ცეცხლსასროლი იარაღი "ჩაუდეს".

"ბატონო მოსამართლე, თქვენ შეგიძლიათ, ჩემ სიტყვას არ დაუჯეროთ და მხოლოდ ფაქტებს დაეყრდნოთ. ჩემი გუშინდელი ჩვენებიდან ნათლად გამოჩნდა, რომ ადგილზე არანაირი ჩხრეკა არ ჩამტარებია და არანაირი ცეცხლსასროლი იარაღი ჩემგან არ ამოუღიათ", - განაცხადა რურუამ.