მარნეულში, ძლიერი წვიმის შედეგად დატბორილი ტერიტორიების გაწმენდითი სამუშაოები მიმდინარეობს. როგორც „ინტერპრესნიუსს“ მარნეულის მუნიციპალიტეტის მერიაში განუცხადეს, გამთენისას ძლიერი წვიმის შედეგად, იაღლუჯის მთიდან მოვარდნილმა ნიაღვარმა ქალაქ მარნეულის ქუჩები, საცხოვრებული სახლების პირველი სართულები, სარდაფები და შიდა ეზოები დატბორა.
ადგილზე შექმნილ სიტუაციას გაეცნო მარნეულის მუნიციპალიტეტის მერი ზაურ დარგალი.
როგორც მარნეულის მუნიციპალიტეტის მერიაში აცხადებენ, შექმნილია სტიქიის მასშტაბებისა და ზარალის შემსწავლელი კომისია, რომელიც მერიის კომპეტენციის ფარგლებში გაატარებს შესაბამის ღონისძიებებს.