გარდაბნის მუნიციპალიტეტის სოფელ გაჩიანში, კოვიდინფიცირებული 65 წლის ქალის ყველა კონტაქტი დადგენილია.
როგორც „ინტერპრესნიუსს“ გარდაბნის მუნიციპალიტეტის მერმა რამაზ ბუდაღაშვილმა განუცხადა, კორონავირუსით ინფიცირებული ქალის 20 პირდაპირი კონტაქტი რუსთავში საკარანტინო სივრცეში არის გადაყვანილი, 18 პირს კი, რომელიც თვითიზოლაციაში იმყოფება, PCR ტესტირება ჩაუტარდა, ლაბორატორიული კვლევის შედეგები კი ხვალ გახდება ცნობილი.
სოფელ გაჩიანში მცხოვრებ 65 წლის ქალს ლაბორატორიული კვლევის შედეგად „კოვიდ 19“, რუსთავის „ცხელების ცენტრში“ გუშინ დაუდგინდა.