ბათუმის მერის მოვალეობის შემსრულებელი მერიის ორგანიზაციების თანამშრომლებს ხვდება

ბათუმის მერის მოვალეობის შემსრულებელმა არჩილ ჩიქოვანმა პირველი სამუშაო დღე მერიის ორგანიზაციების თანამშრომლებთან შეხვედრით დაიწყო. როგორც „ინტერპრესნიუსს“ ბათუმის მერიიდან აცნობეს, არჩილ ჩიქოვანი მუნიციპალური ტრანსპორტის ავტოპარკში იმყოფებოდა, ადგილზე გაეცნო ახალი ელექტროავტობუსების დასამუხტი აპარატისა და ტერმინალის მოწყობის სამუშაოებს.

„მუნიციპალური ავტოპარკის განახლებაზე მუშაობა ინტენსიურად მიმდინარეობს. ბათუმს 8 ახალი ელექტროავტობუსი წლის ბოლომდე ექნება.

დღესვე არჩილ ჩიქოვანი კობალაძის ქუჩაზე, ბათუმის მეეზოვეებსა და სანდასუფთავების სამსახურის თანამშრომლებს შეხვდა. მადლობა გადაუხადა მათ პანდემიის პერიოდში, საგანგებო რეჟიმში გაწეული მუშაობისთვის, ქალაქის სისუფთავეზე ზრუნვისა და დაუღალავი შრომისთვის. მერიის დასუფთავების სამსახურის ხელმძღვანელის ინფორმაციით, ქალაქის მასშტაბით 72 მიწისქვეშა კონტეინერის რეაბილიტაცია დაიწყო.

არჩილ ჩიქოვანი ასევე ქალაქის მებაღეებს შეხვდა და მათ სამომავლო გეგმებს გაეცნო. მადლობა გადაუხადა იმ სამუშაოებისთვის, რომლებსაც ისინი ქალაქისთვის ყოველდღიურ რეჟიმში ახორციელებენ. ბათუმში წელს მილიონამდე ერთწლოვანი ყვავილი და 4000-მდე ხე-მცენარე ირგვება. ბათუმის მერის მოვალეობის შემსრულებელი ტურისტულ სეზონთან დაკავშირებით ბულვარში განხორციელებულ და მიმდინარე სამუშაოებს გაეცნო. დაათვალიერა COVID19-ის გავრცელების პრევენციის მიზნით სანაპიროზე განთავსებული საინფორმაციო დაფები. ბულვარის სანაპიროზე ადაპტირებული პლაჟი დღეს გაიხსნა“, - ნათქვამია ინფორმაციაში.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია