ჩინეთის ქალაქ უხანსა და კიდევ სამ პროვინციაში: ძიანსიში, ანხოისა და ჯეძიანიში ძლიერი წვიმისა და წყალდიდობის გამო, განგაშის წითელი დონეა გამოცხადებული, - ამის შესახებ ინფორმაციას „როიტერსი“ ავრცელებს.

სააგენტოს ცნობით, უხანში, სადაც შარშან დეკემბერში კორონავირუსის ეპიდემია დაიწყო, მოსახლეობა მდინარე იანძის ნაპირებიდან მოსალოდნელი გადმოსვლის შესახებ გააფრთხილეს, რადგან წყლის დონე მაქსიმალურ ზღვარს მიუახლოვდა.

გავრცელებული ინფორმაციით, უდიდეს წყალსაცავში - "სამ ხეობაში"- წყლის დონე დასაშვებზე 10 მეტრით მაღალია. ზაფხულის წვიმების სეზონი ჩინეთში წყალდიდობას თითმის ყოველ წელს იწვევს.