აქციის მონაწილეები აჭარის ფინანსთა და ეკონომიკის მინისტრს დაუპირისპირდნენ, აქციაზე ერთი პირი შეუძლოდ გახდა

აჭარის მთავრობის შენობასთან, სადაც საპროტესტო აქცია მიმდინარეობს, ხმაური იყო. აქციის მონაწილეებს აჭარის ფინანსთა და ეკონომიკის მინისტრი ჯაბა ფუტკარაძე შეხვდა. მინისტრმა აქციის მონაწილეებს განუცხადა, რომ შენობის გაყიდვის შესახებ ინფორმაცია მათთვის ცნობილი იყო, ინვესტორთან კი შეთანხმება მიღწეულია, რომ მაქსიმალურად იყოს გათვალისწინებული შენობაში შესახლებულთა ინტერესები.

"შენობის გაყიდვის შესახებ თქვენ ინფორმირებული იყავით, ჩვენ გავაკეთებთ ყველაფერს, რომ თქვენი ინტერესებიც იყოს დაცული და კეთილსინდისიერი მყიდველისაც, ინვესტორთან ჩვენ გვაქვს მოლაპარაკება ამის თაობაზე", - განაცხადა ჯაბა ფუტკარაძემ.

ამ განცხადებით მოქალაქეები უკმაყოფილო დარჩნენ და "ერთიანი ნაციონალური მოძრაობის" წევრებთან ერთად ჯაბა ფუტკარაძეს სიტყვიერად დაუპირისპირდნენ.

მინისტრი სამართალდამცავების დახმარებით აჭარის მთავრობის სახლში შევიდა. აქციაზე მყოფი ერთ-ერთი პირი კი შეუძლოდ გახდა, რის გამოც სასწრაფო სამედიცინო დახმარების გამოძახება გახდა საჭირო.

რაც შეეხება აქციის მონაწილეებს, ისინი აჭარის მთავრობის სახლთან რჩებიან და პროტესტს აგრძელებენ.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა