აჭარაში კორონავირუსის საეჭვო ნიშნის მქონე 910 პირს ლაბორატორიული კვლევა ჩაუტარდა და არც ერთ მათგანს კორონავირუსი არ დაუდასტურდა.

როგორც აჭარის ჯანდაცვის სამინისტროში განაცხადეს, ბათუმის "ცხელების კლინიკებში" 44 პირი იმყოფება, მათი კვლევის შედეგები ხვალ გახდება ცნობილი.

აჭარაში კორონავირუსით ინფიცირებული 7 ადამიანი რესპუბლიკურ საავადმყოფოში მკურნალობს, მათი ჯანმრთელობის მდგომარეობა დამაკმაყოფილებელია. ექიმების ცნობით, მათ პნევმონია არ უფიქსირდებათ.