„ნაციონალური მოძრაობის" პოლიტსაბჭოს წევრს ოთარ სირაძესა და მის ძმას აღკვეთის ღონისძიების სახით 5000-5000 ლარიანი გირაო შეეფარდათ. სასამართლო პროცესი ამბროლაურის სასამართლოში დისტანციურად მიმდინარეობდა და ცოტა ხნის წინ დასრულდა.
მოსამართლის გადაწყვეტილებით, "ახალგაზრდა მწვანეების" წევრთან დაპირისპირების ფაქტზე რაჭის ყოფილ გუბერნატორს და მის ძმას ბრალი 126-ე მუხლით აქვთ წარდგინილი, რაც ჯგუფურ ძალადობას გულისხმობს.
მომდევნო პროცესი 4 სექტემბერს გაიმართება.
ფიზიკური და სიტყვიერი დაპირისპირება ამბროლაურში 4 ივლისს მოხდა. გამოძიება თავდაპირველად 239-ე მუხლით დაიწყო, თუმცა მოგვიანებით გადაკვალიფიცირდა.