ბათუმი-ჩაქვის დამაკავშირებელ გვირაბთან მსუბუქ ავტომობილს ცეცხლი გაუჩნდა. როგორც "ინტერპრესნიუსს" თვითმხილველებმა განუცხადეს, ორი მსუბუქი ავტომობილი ერთმანეთს შეეჯახა. შეჯახების შედეგად, ერთ-ერთი ავტომობილი გზის სავალი ნაწილიდან გადავიდა და ამოტრიალდა, შემდგომ კი ცეცხლი გაუჩნდა.
სასწრაფო სამედიცინო დახმარების ჯგუფმა ერთი პირი პრევენციის მიზნით კლინიკაში გადაიყვანა, თუმცა მას დაზიანებები არ აღენიშნებოდა.
ხანძარი ამ დროისათვის ლიკვიდირებულია.
ფაქტზე საქართველოს შინაგან საქმეთა სამინისტრომ გამოძიება "სისხლის სამართლის კოდექსის" 276-ე მუხლით დაიწყო, რაც სატრანსპორტო მოძრაობისას წესების დარღვევას გულისხმობს