ბათუმის მერის მოვალეობის შემსრულებელი კულტურული მემკვიდრეობის ძეგლის სარეაბილიტაციო სამუშაოებს გაეცნო

ბათუმის მერის მოვალეობის შემსრულებელი არჩილ ჩიქოვანი თავდადებულის ქუჩის #35-ში კულტურული მემკვიდრეობის ძეგლის სარეაბილიტაციო სამუშაოებს გაეცნო. ამის შესახებ „ინტერპრესნიუსს“ ბათუმის მერიის პრესსამსახურიდან აცნობეს.

მათი ინფორმაციით, პროექტს ბათუმის მერია ახორციელებს.

„ორსართულიანი კულტურული მემკვიდრეობის ძეგლის რეაბილიტაცია დასასრულს უახლოვდება. მისი დასრულების შემდეგ, საკუთარ საცხოვრებელ სახლს ხუთი ოჯახი, დაახლოებით ოცამდე ადამიანი დაუბრუნდება. მნიშვნელოვანია ის, რომ სრულად მოხდა ძეგლის მახასიათებელი ყველა დეტალის აღდგენა. აქვე მინდა აღვნიშნო, რომ ფონდი „ქართუ“ ბათუმში კიდევ 5 კულტურული მემკვიდრეობის სტატუსის მქონე ძეგლის რეაბილიტაციას ახორციელებს, რისთვისაც ფონდმა 2 მილიონ ლარზე მეტი გამოყო. მადლობა მინდა გადავუხადო ფონდს ასეთი მნიშვნელოვანი და სასიკეთო პროექტების დაფინანსებისა და მხარდაჭერისათვის," - განაცხადა არჩილ ჩიქოვანმა.

მერიის ინფორმაციით, უკვე დასრულდა სახურავის მონტაჟი, შეიცვალა შენობის საძირკველის ნაწილი და კარ-ფანჯრები. რეაბილიტაცია ჩაუტარდა შენობის შუშაბანდს. სრულდება შიდა მოსაპირკეთებელი და ფასადის შეცვლის სამუშაოები. პროექტის ღირებულება 765 ათას 296 ლარს შეადგენს. სამუშაოები მიმდინარე წლის აგვისტოში დასრულდება.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა