საფრანგეთის ქალაქ ნანტიში უძველესი ტაძარი იწვის
საფრანგეთის ქალაქ ნანტიში წმინდა პეტრესა და პავლეს სახელობის საკათედრო ტაძარში ცეცხლი გაჩნდა, - ამის შესახებ ინფორმაციას BBC-ი ავრცელებს. გამოცემის ცნობით, ხანძარს 60-ზე მეტი მეხანძრე ებრძვის, რომლებიც ადგილობრივი დროით დაახლოებით 07:44 საათზე გამოიძახეს.
ცნობისათვის, ეს ხანძარი ტაძრისთვის პირველი არ არის. 1972 წელს ხანძარმა შენობის სახურავი დააზიანა და მის აღდგენამდე ტაძარი 3 წლის განმავლობაში დახურული იყო.
წმინდა პეტრესა და პავლეს საკათედრო ტაძრის მშენებლობა 1434 წელს დაიწყო და მის საბოლოოდ დასრულებას 457 წელი დასჭირდა.
