მარნეული-სადახლოს ავტომაგისტრალზე მომხდარ ავტოსაგზაო შემთხვევას, ერთი ადამიანის სიცოცხლე ემსხვერპლა. წინასწარი ინფორმაციით, BMW-ს მარკის ავტომობილის მძღოლი გზის სავალი ნაწილიდან გადავიდა და ამოტრიალდა.

შემთხვევის დროს ავტომანქანაში ორი ადამიანი იმყოფებოდა, მათგან ერთი ადგილზე გარდაიცვალა, მეორე კი სასწრაფო-სამედიცინო დახმარების ბრიგადამ დაზიანებებით საავადმყოფოში გადაიყვანა.

როგორც ,,ინტერპრესნიუსს” შსს-ში განუცხადეს, ფაქტზე გამოძიება სისხლის სამართლის კოდექსის 276-ე მუხლის მეექვსე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.