სამოქალაქო მოძრაობის "გავიგუდეთ" ორგანიზებით, რუსთავში, მერიის წინ საპროტესტო აქცია - "სუფთა ჰაერისთვის", სლოგანით - "დაიკავე შენი წილი სუფთა ჰაერი" მიმდინარეობს. აქციაზე მოქალაქეები სიმბოლურად ველოსიპედებით არიან მისული.

სამოქალაქო მოძრაობა ,,გავიგუდეთ“ აქტივისტები და აქციის მონაწილეები მოითხოვენ, რომ საქართველოს პარლამენტმა გარემოსდაცვით პასუხისმგებლობის კანონში ცვლილებების შესახებ კანონპროექტი საგაზაფხულო სესიის დახურვამდე დროულად დაამტკიცოს და საშემოდგომო სესიისთვის არ გადადოს.

აქციის მონაწილეების განცხადებით, მოთხოვნის შესრულებამდე საპროტესტო აქციებს პერმანენტულად გამართავენ.