კორონავირუსის 10 ახალი შემთხვევიდან ერთი გარდაბანში დაფიქსირდა
გარდაბნის მუნიციპალიტეტში, კორონავირუსით ინფიცირების კიდევ ერთი შემთხვევა დაფიქსირდა.
როგორც "ინტერპრესნიუსს" რუსთავის ცხელების ცენტრის ხელმძღვანელმა, ეპიდემიოლოგმა მაია რაზმაძემ განუცხადა, 50 წლამდე ასაკის ქალის, რომელიც ცენტრში ვირუსისთვის დამახასიათებელი სიმპტომებით იყო მოთავსებული, ბიოლოგიური მასალის კვლევის შედეგები, გვიან ღამით გახდა ცნობილი და ის კოვიდინფიცირებული აღმოჩნდა.
ინფიცირებული ქალი რუსთავის "ცხელების ცენტრიდან", თბილისის კოვიდმიმღებ კლინიკაშია გადაყვანილი.
მაია რაზმაძის განცხადებით, 50 წლამდე ასაკის ქალი ყარაჯალარში დადასტურებული შემთხვევის, კერძოდ ინფიცირებული 80 წლის მამაკაცის კონტაქტია.
